Պյատիգորսկում հայոց լեզվին նվիրված միջոցառում կանցկացվի

Փետրվարի 24-ին Պյատիգորսկի հայ համայնքում տեղի կունենա մայրենի լեզվի միջազգային օրվան նվիրված միջոցառում: Այս մասին հայտնում է համայնքի տելեգրամյան ալիքը։

Միջոցառումը կազմակերպել է «Արև» կրթական կենտրոնը:

Նշենք, որ փետրվարի 21-ը Մայրենի լեզվի միջազգային օրն է։ Այն ընդունվել է ՅՈՒՆԵՍԿՕ-ի կողմից, 2000 թվականի փետրվարի 21-ից և նշվում է որպես մայրենի լեզուների իրավունքների, գործածության աջակցման օր։

Մայրենի լեզվի միջազգային օրը (International Mother Language Day) Հայաստանում նշվում է 2005 թվականից։