Ստեղծագործական մտածողություն և պրոդյուսերական ըմբռնում. Մարիա Դալաքյան

Alpha News-ը շարունակում է ներկայացնել «Ալֆա պերսոնա» շարքը:

Մարտի 14-ին լրանում է ռուս պրոդյուսեր Մարիա Դալաքյանի ծննդյան 35-ամյակը:

Մարիա Դալաքյանը ծնվել է 1989 թվականի մարտի 14-ին, Մոսկվայում: 2011-ին Մարիան ստացել է Մոսկվայի Միջազգային հարաբերությունների պետական ինստիտուտի դիպլոմ՝ սովորելով «Հասարակայնության հետ կապեր» բաժնում:

Դալաքյանը միշտ սիրել է մեդիա ոլորտը և 2019 թվականից «Art Pictures Studio»-ի PR-տնօրենն է: 2021 թվականին պրոդյուսերներ Օքսանա Կրավչուկի և Եկատերինա Սապրիկինայի հետ հիմնադրել է «Art Pictures Motion» հաղորդակցական գործակալությունը։

Գործակալության պորտֆելում են «Happy End» և «Բալետ» սերիալների գովազդային արշավները, ինչպես նաև այնպիսի նշանավոր հայտնիների հետ աշխատանքը, ինչպիսիք են Եվգենի Սանգաջիևը, Սերգեյ Բոնդարչուկը և Մարիա Ֆոմինան: