ՎԴՆԽ-ի «Հայաստան» տաղավարում բացվել է «Մենք հաղթանակի ժառանգներն ենք» խորագրով ցուցահանդեսը
06 Հուլիսի 2024, 17:32
Մոսկվայի Ժողովրդական տնտեսության ձեռքբերումների ցուցասրահ-համալիրի (ՎԴՆԽ) «Հայաստան» տաղավարում հուլիսի 4-ին բացվել է «Մենք հաղթանակի ժառանգներն ենք» խորագրով ցուցահանդեսը։
Ցուցահանդեսը բաղկացած է Փառքի պատից՝ մանկական նկարներով, որոնք պատկերում են խորհրդային տարբեր քաղաքների հուշարձանները՝ անմար կրակով:
Յուրաքանչյուր երեխա ինքն է ընտրել մի հերոսական քաղաք, որի հետ աշակերտն ունի անմիջական ազգակցական կապեր և զգացմունքներ:
Ցուցահանդեսի համադրող Արմինա Մամիկոնյանի խոսքով՝ Հաղթանակի հուշարձանները երեխաների աչքերով ժողովուրդների միջև համախմբվածության, միասնության և բարեկամության ամենակարևոր խորհրդանիշն են։
Հիմա եթերում
