Հայկական «Դլե յամանն» ու ռուսական ժողովրդական երգը՝ Զառայի նոր ստեղծագործությունում

Ժողովրդական միասնության օրը երգչուհի Զառան ներկայացրել է նոր երգ, որում միավորել է ռուսական և հայկական երաժշտական մշակույթների տարրերը։ Ստեղծագործության մեջ միահյուսված են ռուսական ժողովրդական «Ах ты, степь широкая» և հայկական ավանդական «Դլե յաման» երգերի մեղեդիները։

Անդրադառնալով նոր ստեղծագործությանը՝ երգչուհին խոստովանել է, որ դրա կատարումն ուղեկցվում է հուզմունքով, և չի կարողանում զսպել արցունքները։

Նա ընդգծել է, որ երաժշտությունը սահմաններ չի ճանաչում և այն միավորում է սրտերը, սերունդներն ու տարբեր մշակույթները։