Մեկնարկել են Արմեն Նազիկյանի «Տագանրոգ» ռազմապատմական դրամայի նկարահանումները

«Տրիքս մեդիա» կինոընկերությունը և «Գազպրոմ Մեդիա Հոլդինգ»-ը սկսել են «Տագանրոգ» 8 մասանոց ռազմապատմական դրամայի նկարահանումները։ Ֆիլմը 1941-1943 թվականներին քաղաքում գործող ընդհատակյա հերոսների մասին է:

Նախագծի ռեժիսորը ծնունդով Ռոստովի մարզից Արմեն Նազիկյանն է։ Սցենարիստներն են Մարիա Օշմյանսկայան և Ալեքսանդր Իվանովը։ Գլխավոր պրոդյուսերներն են Ինեսսա Յուրչենկոն, Սերգեյ Շչեգլովը, Ալեքսեյ Սաշինը, Վիկտորյա Կուչերուկը և Եկատերինա Խոմենկոն։

Նկարահանումները տեղի կունենան Ռոստովի և Լենինգրադի մարզերում, ինչպես նաև Սանկտ Պետերբուրգում։

Դերասանական կազմում կա ավելի քան 760 մարդ։ Դերերը կկատարեն դերասաններ Դենիս Դոնսկոյը, Սերգեյ Ժարկովը, Կիրիլ Բալոբանը, Յուրի Բատուրինը և այլք։