Արա Զադանը պարգևատրվել է Գլենդելի քաղաքապետարանի պատվոգրով

Ամերիկահայ հանրաճանաչ շեֆ-խոհարար Արա Զադան ԱՄՆ Կալիֆոռնիա նահանգի Գլենդել քաղաքի վարչակազմի կողմից արժանացել է պատվավոր պատվոգրի, որը նրան հանձնել է քաղաքապետ Արդաշես (Արդի) Քասախյանը։

Քաղաքապետը հանձնել է «Mayor’s Commendation» մրցանակը՝ խոհարարության զարգացման գործում ներդրած զգալի ավանդի, միջազգային ասպարեզում հայկական մշակույթի հանրահռչակման և տեղի բնակիչների հպարտության ամրապնդման համար։

Քաղաքային իշխանությունները բարձր են գնահատել Արա Զադայի խոհարարական նախագծերը, նրա մասնակցությունը «Food Network»-ի հայտնի շոուներին, ակտիվ բլոգերային գործունեությունը։

Ի դեպ, նրա «Լավաշ» խոհարարական գիրքը դարձել է բեսթսելեր։