Արգենտինայում Ադրբեջանի դեսպանատունը հանդես է եկել հայ համայնքի հասցեին մեղադրանքներով

Փետրվարի 5-ին Արգենտինայում Ադրբեջանի դեսպանատունն իր քարոզչական ապարատի միջոցով կրկին հանդես է եկել հայ համայնքի հասցեին մեղադրանքներով: X սոցիալական ցանցում հրապարակված հաղորդագրության մեջ «Azerreality» անանուն հաշիվը, որը սովորաբար օգտագործվում է ադրբեջանական ռեժիմի պաշտոնական վարկածի տարածման համար, ՀՅԴ-ին անվանել է «ծայրահեղական բաժանմունք», որում ներառված են Սփյուռքի ինստիտուտներն ու կազմակերպությունները:

Բացի այդ, «Azerreality»-ն կազմակերպությանը մեղադրել է ռազմատենչ ռևանշիզմի գաղափարներ տարածելու մեջ։ Այս նոր հարձակումը Իլհամ Ալիևի կառավարության կողմից սփյուռքի հայ համայնքը վարկաբեկելու և հալածելու համակարգված ռազմավարության մի մասն է: Սա առաջին դեպքը չէ, երբ ադրբեջանական քարոզչական լրատվամիջոցների թիրախ են դառնում Արգենտինայի և Հարավային Ամերիկայի հայկական հաստատությունները: 2024 թվականի հոկտեմբերին Caliber.az պորտալը, որը ղեկավարում է Թիմուր Հուսեյնովը և ֆինանսավորվում Ադրբեջանի կառավարության կողմից, հրապարակել է հոդված և տեսանյութ, որտեղ մեղադրել է այսպես կոչված «հայկական մաֆիայի»՝ COP29-ի համատեքստում «հակաադրբեջանական քարոզչություն» տարածելու մեջ։

Այդ առիթով արշավը ներառում էր ուղղակի հարձակումներ հայ համայնքի մարդկանց, առաջնորդների և լրագրողների, այդ թվում՝ Արդարադատության միջազգային դատարանի նախկին դատախազ Լուիս Մորենո Օկամպոյի և լրագրող Բեթի Արսլանյանի դեմ, որոնք դարձել են Ադրբեջանի պաշտոնական և ոչ պաշտոնական լրատվամիջոցների կողմից բազմիցս զրպարտության և ոտնձգությունների թիրախ։