«Հարավկովկասյան երկաթուղու» հնարավոր նոր սեփականատերերին միլիարդավոր ներդրումներ են սպասվում․ Ալեքսեյ Շևցով
23 Ապրիլի 2026, 20:20
«Հարավկովկասյան երկաթուղի» (ՀԿԵ) ընկերության կառավարման կոնցեսիան նոր սեփականատերերին փոխանցելը կհանգեցնի լուրջ ծախսերի։ Նախնական հաշվարկներով՝ իրավունքների գնման և փոխհատուցումների գումարը կկազմի առնվազն 250 մլն դոլար, իսկ տարեկան շահագործման ծախսերը՝ շուրջ 40 մլն դոլար։ Այս մասին հայտարարել է ՌԴ Անվտանգության խորհրդի քարտուղարի տեղակալ Ալեքսեյ Շևցովը։
Ներդրումային ծրագիրը նախատեսում է նաև լայնածավալ ներդրումներ․ մոտ 400 մլն դոլար կպահանջվի Իջևանի հատվածի վերականգնման համար, շուրջ 200 մլն դոլար՝ Վանաձոր-Ֆիոլետովո հատվածի, 40 մլն դոլար՝ Թուրքիայի և Նախիջևանի սահման տանող հատվածների վերանորոգման համար։
ՌԴ Անվտանգության խորհրդի քարտուղարի տեղակալը նշել է, որ ցանցի բեռնափոխադրումների վերաբերյալ կանխատեսումները դեռևս չեն հաստատվել, իսկ դրանց աճի հեռանկարները մնում են կասկածելի։ Ավելին՝ Հայաստանի՝ ԵԱՏՄ-ից դուրս գալու դեպքում փոխադրումների ծավալները երաշխավորված կերպով կնվազեն։
Հիմա եթերում
