Հրայր Հովհաննիսյանը՝ հունահռոմեական ըմբշամարտի Ռուսաստանի չեմպիոն

Նովոսիբիրսկի մարզը ներկայացնող Հրայր Հովհաննիսյանը դարձել է մինչև 23 տարեկանների հունահռոմեական ըմբշամարտի Ռուսաստանի առաջնության հաղթող։

Հունիսի 26-28-ը Օմսկում անցկացված առաջնությունում Հովհաննիսյանը ոսկե մեդալ է նվաճել մինչև 67 կգ քաշային կարգում։ Եզրափակչում նա առավելության է հասել Մոսկվան ներկայացնող Ռուսլան Օրտանովի նկատմամբ։

Հրայր Հովհաննիսյանից բացի, մինչև 23 տարեկանների Ռուսաստանի առաջնությունում մրցանակակիր են դարձել նաև մի շարք հայազգի ըմբիշներ։