Նարիշկինը Հայաստանի ընտրությունների արդյունքները «կասկածելի» է անվանել

Ռուսաստանի Դաշնության արտաքին հետախուզության ծառայության տնօրեն Սերգեյ Նարիշկինը մեկնաբանել է Հայաստանում անցկացված ընտրությունների արդյունքները՝ նշելով, որ դրանք «որոշակի առումով կասկածելի են»։

Նրա խոսքով՝ Հայաստանի ղեկավարությունը սխալ կգործի, եթե կողմնորոշվի բացառապես Արևմուտքի օգնության և աջակցության վրա։

Այդ դեպքում Երևանը կարող է բախվել տնտեսական զարգացման խոչընդոտների և երկրի ներսում իրավիճակի բարդացման, ընդգծել է Նարիշկինը։

Նա նաև հույս է հայտնել, որ Հայաստանի ղեկավարությունը «կգործի ողջամիտ և խոհեմ կերպով»։