Փոփոխությունները լինելու են, շատ շուտով ուժեղ Հայաստան ունենալու ենք․ Սամվել Կարապետյան

Մեր իրավական համակարգի բոլոր ապօրինությունները ուղղված են մեր թիմի բոլոր անդամների դեմ, որպեսզի փորձեն կանգնեցնել մեր ժողովրդի ուժեղ Հայաստան ունենալու երազանքը: Այս մասին հայտարարել է «Ուժեղ Հայաստան» կուսակցության ղեկավար Սամվել Կարապետյանը:

«Փաստաբան Վարդևանյանը ամեն ինչ հուզիչ և համոզիչ ներկայացրեց, ներկայացրեց բոլոր ապօրինությունները, որ գոյություն ունեն այս մեղադրանքների մեջ, դրա համար այդ մասով ես ավելացնելու բան չունեմ: Միայն ուզում եմ արձանագրել, որ մեր իրավական համակարգի բոլոր ապօրինությունները, ես վստահ եմ, ուղղված են իմ դեմ, մեր թիմի բոլոր անդամների դեմ, որպեսզի փորձեն կանգնեցնել մեր ժողովրդի ուժեղ Հայաստան ունենալու երազանքը, բայց ձեզ վստահեցնում եմ, դա իրենց չի հաջողվելու, ամեն ինչ շարժվում է առաջ, փոփոխությունները լինելու են, շատ շուտով ուժեղ Հայաստան ունենալու ենք»,-նշել է Կարապետյանը։