Սամվել Կարապետյանի աջակցությամբ Դոնի Ռոստովի հայկական ճեմարանի շենքը վերադարձվել է թեմին

Դոնի Ռոստովում հայկական ճեմարանի պատմական շենքը փոխանցվել է Հայ Առաքելական եկեղեցու Ռուսաստանի և Նոր Նախիջևանի թեմին ՝ որպես մշակութային ժառանգության օբյեկտ: Այս գործընթացում կարևոր դեր է խաղացել ազգային բարերար Սամվել Կարապետյանը, ով մշտապես առանձնահատուկ կարևորություն է տվել եկեղեցու կրթական առաքելությանն ինչպես Հայաստանում, այնպես էլ նրա սահմաններից դուրս:

Հետագա աշխատանքները կազմակերպելու և շենքի վերականգնելու համար Եզրաս արքեպիսկոպոս Ներսիսյանն այցելել է Դոնի Ռոստով և մի շարք հանդիպումներ ունեցել: Ստուգայցի ընթացքում պարզվել է, որ քառահարկ շինությունը պահպանել է իր ճարտարապետական տեսքը, սակայն տարիների անգործության պատճառով այն խարխլվել է։ Թեմը պարտավորվել է վերականգնել նախկին տեսքը։

Այսօր քչերը գիտեն, որ Դոնի Նախիջևանը, որտեղ հայեր են բնակվում, 20-րդ դարասկզբին եղել է թեմական կյանքի հոգևոր կենտրոն։ 1875 թվականին այնտեղ բացվել է տարածաշրջանի լավագույն աստվածաբանական դպրոցներից մեկը, իսկ 1881 թվականին կայսր Ալեքսանդր II-ի հրամանով այն վերափոխվել է հոգևոր ճեմարանի ։

Ավելի քան 150 տարի առաջ հայ ժողովրդին ծառայած հենց այս շինությունն էլ Եզրաս արքեպիսկոպոսի ջանքերի և Սամվել Կարապետյանի աջակցության շնորհիվ կրկին դարձել է թեմական կյանքի մի մաս։