12-ամյա Լեոն հաղթող է ճանաչվել «Our Generation 2026» մրցույթում

21 Նոյեմբերի 2026, 13:00

Մշակույթ

Տաշքենդում կայացած «Our Generation 2026» («Մեր սերունդը») մանկական երգի միջազգային մրցույթում Հայաստանի ներկայացուցիչ՝ 12-ամյա Լեոն, հաղթանակ է տարել մասնագիտական ժյուրիի քվեարկության արդյունքում։

Լեոն մրցույթում հանդես է եկել «Մամա» երգով։

Նշենք, որ Լեոն կիթառ է նվագում, զբաղվում է ֆուտբոլով, լողով և թենիսով։ Նա նկարահանվել է նաև «Մոլորվածը» գեղարվեստական ֆիլմում՝ մարմնավորելով Արամի կերպարը։

Լեոն երգիչներ Մարտին Մկրտչյանի և Հռիփսիմե Հակոբյանի որդին է։

Հիշեցնենք, որ «Our Generation»-ը մանկական հեղինակային երգի հեռուստատեսային մրցույթ է, որի նպատակն է բացահայտել և աջակցել տաղանդավոր պատանի կատարողներին։