Կրասնոդարի ֆիլհարմոնիայի արտիստները ներկայացում են խաղացել արցախցի երեխաների համար

Կրասնոդարի Գ. Ֆ. Պոնոմարենկոյի անվան ֆիլհարմոնիայում թատերական ներկայացում է անցկացվել Կրասնոդարի երկրամասի տարբեր քաղաքներից և շրջաններից հրավիրված երեխաների և նրանց ծնողների համար:

Ձմեռ պապի և Ձյունանուշի հետ ամանորյա հեքիաթը Ֆիլհարմոնիայի արտիստները ցուցադրել են հինգ հարյուր հայ տղաների և աղջիկների համար, որոնց կեսից ավելին արցախցի երեխաներ էին։ Ներկայացման ավարտին բոլոր երեխաները ստացել են ամանորյա նվերներ։