Նովոռոսիյսկում ապրող վետերան Լեոնիդ Նանոյանի բակում անհատական շքերթ է կազմակերպվել

Նովոռոսիյսկում՝ Հայրենական մեծ պատերազմի վետերանների բակում կազմակերպվել է անհատական շքերթ: Այս մասին հայտնում է քաղաքի ղեկավար Անդրեյ Կրավչենկոն: Այս պահին քաղաքում ապրում է երեք վետերան, որոնցից մեկը Լեոնիդ Նիկոլայի Նանոյանն է։

«Փողային նվագախումբ, հանդիսավոր երթ և երախտագիտության անկեղծ խոսքեր։ Վետերանների բակերում, որոնք պաշտպանել են Մալայա Զեմլյան և կռվել հայրենիքի ազատության համար, այսօր անցկացվել են անհատական շքերթներ։ Նրանց հերոսությունն ու խիզախությունը, որոնք դրսևորվել են Հայրենական մեծ պատերազմի տարիներին, մինչ օրս օրինակ են մեզանից յուրաքանչյուրի համար», — գրել է Նովոռոսիյսկի ղեկավար Անդրեյ Կրավչենկոն: