Կարմիր խաչը դադարեցրել է այցելությունները Բաքվում պահվող հայ գերիներին
31 Հուլիսի 2025, 10:40
Կարմիր խաչի միջազգային կոմիտեն դադարեցրել է այցելությունները Բաքվում գտնվող հայ ռազմագերիներին, ինչը խորը մտահոգություն է առաջացրել նրանց ընտանիքների շրջանում: Հարազատները նշում են, որ ԿԽՄԿ-ն միակ կազմակերպությունն է եղել, որը հնարավորություն է ունեցել ստուգել պահման պայմանները, բժշկական օգնություն ցուցաբերել, անհրաժեշտ իրեր փոխանցել և կապ ապահովել հարազատների հետ:
Վերջին այցը տեղի է ունեցել հունիսին, իսկ հուլիսից այցը գերիներին դադարեցվել է։ Ադրբեջանի իշխանությունների պահանջով Բաքվում Կարմիր խաչի գրասենյակը փակվում է: Այժմ շփման միակ միջոցը մնում են հազվագյուտ հեռախոսազանգերը, որոնք իրականացվում են պաշտոնական կառույցների միջոցով։
«Մենք կորցրեցինք վերջին հույսը՝ և՛ մենք, և՛ նրանք»,- հայտարարել են գերիների ընտանիքները:
Հիմա եթերում
