Կրասնոյարսկում տեղի կունենա Ջեմմա Ավետիսյանի «Չուկն ու Գեկը» ներկայացման պրեմիերան
29 Սեպտեմբերի 2025, 10:38
Սեպտեմբերի 30-ին Խվորոստովսկու անվան արվեստի ինստիտուտում տեղի կունենա ռեժիսոր Ջեմմա Ավետիսյանի «Չուկն ու Գեկը» ներկայացման պրեմիերան, որը բեմադրվել է Արկադի Գայդարի պատմվածքի հիման վրա:
Պատմությունը ծավալվում է նոր տարվա նախօրեին. Սիբիրում աշխատող երկրաբան հորից նամակ է գալիս մոսկովյան բնակարան, որտեղ ապրում է մայրը երկու որդիների հետ։ Նա ընտանիքին հրավիրում է միասին տոնելու Ամանորը։ Չարաճճի եղբայրներ Չուկն ու Գեկը մայրիկի հետ մեկնում են տայգա, որտեղ նրանց սպասում է դժվարին, բայց ուրախությամբ և փորձություններով լի ճանապարհորդություն։ Փոխադարձ աջակցությունը, հոգատարությունը և վստահությունը օգնում են հերոսներին հաղթահարել բոլոր դժվարությունները:
Հիմա եթերում
