Հայկ Կազազյանը կլինի «Մեծ արտիստներ մեծ բեմում» նախագծի հյուրը

Փետրվարի 17-ին «Сарёнок» ստեղծագործական տարածքում տեղի կունենա մշակութային երեկո՝ առաջատար ջութակահար, Մոսկվայի պետական ակադեմիական ֆիլարմոնիայի մենակատար Հայկ Կազազյանի մասնակցությամբ։

Միջոցառումը կազմակերպվում է Մարիա Ուվարովայի հեղինակային «Մեծ արտիստներ մեծ բեմում» նախագծի շրջանակում։ Այն հանդիսատեսին կտա բացառիկ հնարավորություն՝ վայելելու կենդանի ու անկեղծ զրույց ամենապահանջված երաժիշտներից մեկի հետ

Երեկոն նվիրված կլինի արտիստի ստեղծագործական ուղուն՝ երաժշտության առաջին քայլերից մինչև միջազգային մրցույթներում հաղթանակներ, աշխարհի առաջատար դիրիժորների և նվագախմբերի հետ ելույթներ։

Հայկ Կազազյանը ժամանակակից ակադեմիական բեմի ամենավառ ներկայացուցիչներից մեկն է։ Երաժիշտը ելույթ է ունեցել աշխարհի առաջատար բեմահարթակներում, այդ թվում՝ Քարնեգի հոլում, Բեռլինի ֆիլարմոնիայում, Théâtre du Châtelet-ում, ինչպես նաև Մոսկվայի Պ. Ի. Չայկովսկու անվան պետական կոնսերվատորիայի Մեծ դահլիճում։

Նա հաղթել է Դուբայում անցկացված Classic Violin Olympus միջազգային մրցույթում, ինչպես նաև մի շարք խոշոր միջազգային մրցույթների դափնեկիր է, ներառյալ Պ. Ի. Չայկովսկու անվան միջազգային մրցույթը, Հենրիկ Վենյավսկու և Ջորջե Էնեսկուի անվան միջազգային մրցույթները։