ՌԴ Պետդուման հաստատել է բանակը արտասահմանում օգտագործելու մասին օրինագիծը՝ ռուսներին պաշտպանելու համար
15 Ապրիլի 2026, 12:40
Ռուսաստանի Պետդումայի պատգամավորները առաջին ընթերցմամբ ընդունել են օրինագիծ, որի դրույթները նախագահի որոշմամբ թույլ կտան արտասահմանում զինված ուժեր օգտագործել՝ հետապնդումների ենթարկվող Ռուսաստանի քաղաքացիներին պաշտպանելու համար: Այս մասին հայտնել է РБК-ն: Կողմ է քվեարկել 413 պատգամավոր։
Օրինագիծը ներկայացնող պետքարտուղար-պաշտպանության փոխնախարար Աննա Ցիվիլևան ընդգծել է, որ այն նպատակ ունի ստեղծելու իրավական հիմքեր՝ Ռուսաստանի քաղաքացիներին այլ երկրներում «քրեական և այլ հետապնդումներից» պաշտպանելու համար։
Կառավարության ներկայացրած օրինագիծը թույլատրում է միջոցներ ձեռնարկել ձերբակալված կա՛մ կալանավորված, կա՛մ օտարերկրյա դատարանների որոշումների համաձայն քրեական կամ այլ հետապնդման ենթարկվող ռուսներին պաշտպանելու համար։ Դա վերաբերում է միայն այն դատական գործողություններին, որոնցում Ռուսաստանը կողմ չէ, և որոնց իրավասությունը հիմնված չէ Ռուսաստանի հետ կնքված միջազգային պայմանագրի կամ ՄԱԿ-ի Անվտանգության խորհրդի բանաձևի վրա։
Հիմա եթերում
