Ցեղասպանությունն, այո՛, վերապրեց մեր ժողովուրդը, բայց նաև վերականգնվեց ու պետականություն ունեցավ․ Սաղաթելյան

Հայոց ցեղասպանությունից 111 տարի անց կանգնած ենք հայկական պետության մայրաքաղաքում՝ մեր հիշողությանը տեր կանգնելու, Ցեղասպանության զոհերի հիշատակը հարգելու, այլևս երբեք նոր ցեղասպանություն և հայրենազրկում թույլ չտալու համար։ Այս մասին Հանրապետության հրապարակում մեկնարկած հավաքի ժամանակ հայտարարել է Աժ «Հայաստան» խմբակցության պատգամավոր, ՀՅԴ ԳՄ ներկայացուցիչն Իշխան Սաղաթելյանը։

«Հայոց Ցեղասպանությունը 1000-ամյա մեր պատմության մեջ հայերի դեմ իրականացրած ամենազազրելի և ամենասարսափելի հարձակում-հանցագործությունն էր։ Դա, այո, վերապրեց մեր ժողովուրդը, բայց կարողացավ նաև ուժ գտնել, վերականգնվել և պետականություն ունենալ»,- ընդգծել է նա։