Հայաստանի շախմատային ընտրանիները՝ Շախմատի համաշխարհային օլիմպիադայում

Հայաստանը տղամարդկանց և կանանց հավաքականներով մասնակցում է Սամարղանդում մեկնարկած Շախմատի համաշխարհային 46-րդ օլիմպիադային։

Տղամարդկանց հավաքականի կազմում հանդես են գալիս Հայկ Մարտիրոսյանը, Շանթ Սարգսյանը, Ռոբերտ Հովհաննիսյանը, Գաբրիել Սարգսյանը և Մանուել Պետրոսյանը։

Կանանց հավաքականը ներկայացնում են Մարիամ Մկրտչյանը, Էլինա Դանիելյանը, Լիլիթ Մկրտչյանը, Սուսաննա Գաբոյանը և Անահիտ Մկրտչյանը, որի համար այս մակարդակի մրցաշարում սա առաջին մասնակցությունն է։

Օլիմպիադան կշարունակվի մինչև սեպտեմբերի 28-ը։ Մասնակիցները շվեյցարական համակարգով կանցկացնեն 11 տուր։ Գործող չեմպիոնը Հնդկաստանի հավաքականն է։

Նշենք, որ Հայաստանի տղամարդկանց հավաքականը ՖԻԴԵ-ի կողմից ճանաչվել է դարի լավագույն հավաքական և երեք անգամ հաղթել է Շախմատի համաշխարհային օլիմպիադայում։