Վիկտոր Սողոմոնյանի «ՍՏԱՄԲՈՒԼ 25» դետեկտիվ սերիալի նկարահանումները սկսվել են
07 Հոկտեմբերի 2026, 13:07
Սկսվել են «ՍՏԱՄԲՈՒԼ25» դետեկտիվ սերիալի նկարահանումները։ Այն Վիկտոր Սողոմոնյանի՝ աշխարհաքաղաքական ֆրանշիզայի շարունակությունն է, որի մեջ ներառված են «ՎԱՐՇԱՎԱ 21» և «ԲԵՌԼԻՆ 23» սերիալները։ Սողոմոնյանը նախագծի պրոդյուսերն ու սցենարիստն է, ինչպես նաև «Alpha Media House»-ի հիմնադիրը։ Այս մասին հայտնում է առցանց «Օկկո» կինոթատրոնի Telegram-ալիքը։
Սերիալում նկարահանվում են Դմիտրի Միլլերը, Դմիտրի Կուլիչկովը, Սերգեյ Գուզեևը, Պոլինա Բախտիգոզինան, Յուլիա Գալկինան, Իլյա Շակունովը, Ալեքսանդր Ալադիշևը, Վիկտորիա Սոլովյովան, Ալեքսեյ Լոնգինը, Սերգեյ Լոնգինը, Սերգեյ Մասլովը և այլ դերասաններ։ Սիքվելի ռեժիսորը Վսևոլոդ Արավինն է։
Սյուժեի համաձայն՝ դիվանագետ Վյաչեսլավ Վասիլևը մտերիմների հետ հանգստի է մեկնում Թուրքիա, սակայն հայտնվում է միջազգային ինտրիգի կենտրոնում։
Ինչպես նախորդ երկու ֆիլմերը, նոր դետեկտիվ պատմությունը ևս ներկայացնում է ռուս դիվանագետների և հատուկ ծառայությունների աշխատակիցների չափազանց բարդ աշխատանքը։
Նկարահանումներն անցկացվելու են Ստամբուլում և Մոսկվայի մարզում։
Հիմա եթերում
