Ֆլորիդայում ավիավթարի հետևանքով 9 մարդ զոհվել է
02 Նոյեմբերի 2026, 10:06
ԱՄՆ Ֆլորիդա նահանգի Փալմ Բիչ շրջանում բիզնես-ինքնաթիռ է կործանվել, որի հետևանքով օդանավում գտնվող 9 մարդ զոհվել է։ Այս մասին հայտնել է ԱՄՆ տրանսպորտի նախարար Շոն Դաֆին։
«Արևելյան ժամանակով ժամը 12։50-ին Learjet 60 ինքնաթիռը կործանվել է։ Օդանավում գտնվող բոլոր 9-ը մարդիկ զոհվել են»,- գրել է Դաֆին X սոցիալական ցանցում։
Նրա խոսքով՝ ինքնաթիռը թռիչք էր կատարել Տեխաս նահանգի Օսթին քաղաքից և ուղևորվում էր դեպի Բահամյան կղզիներ։
«Ֆլորիդայի Փալմ Բիչ շրջանում տեղի ունեցած ավիավթարը սարսափելի ողբերգություն է»,- հավելել է նախարարը։
The Washington Post-ը, հղում անելով ռադիոկապի ձայնագրություններին, հայտնում է, որ ողբերգությունից կարճ ժամանակ առաջ բիզնես-ինքնաթիռի օդաչուն դիսպետչերներին տեղեկացրել է անձրևի և օդանավի սառցակալման մասին, ապա վթարային ազդանշան է ուղարկել։
Հիմա եթերում
