51 կարմիր քարտ՝ մեկ խաղում․ Բրազիլիայում ֆուտբոլային հանդիպումն ավարտվել է զանգվածային ծեծկռտուքով
04 Նոյեմբերի 2026, 19:34
Բրազիլիայի Մինաս Ժերայս նահանգի մինչև 20 տարեկանների առաջնության շրջանակում «Ուբերլանդիա» և «Մամորե» թիմերի միջև կայացած հանդիպումն ավարտվել է աննախադեպ զանգվածային ծեծկռտուքով։
Բախումը սկսվել է հանդիպման 54-րդ րոպեին և շատ արագ դուրս եկել վերահսկողությունից։ Ծեծկռտուքը շարունակվել է շուրջ 40 րոպե, իսկ դրան ներգրավվել են ոչ միայն ֆուտբոլիստները, այլև երկու թիմերի մարզչական շտաբների ներկայացուցիչները։ Մասնակիցները որպես հարվածելու միջոց օգտագործել են ձեռքի տակ հայտնված տարբեր առարկաներ, այդ թվում՝ աթոռներ և բժշկական պատգարակներ։ Իրավիճակը վերահսկողության տակ առնելու համար նույնիսկ ոստիկանություն է հրավիրվել խաղադաշտ։
Միջադեպի արդյունքում գլխավոր մրցավարը ցույց է տվել ռեկորդային՝ 51 կարմիր քարտ։ Հանդիպումից հեռացվել են 43 ֆուտբոլիստ և երկու թիմերի մարզչական շտաբների 8 ներկայացուցիչ։
Այս միջադեպը սահմանել է նոր համաշխարհային ռեկորդ՝ մեկ ֆուտբոլային հանդիպման ընթացքում ցուցադրված կարմիր քարտերի քանակով՝ գերազանցելով 2011 թվականին Արգենտինայի հինգերորդ դիվիզիոնի առաջնության խաղում գրանցված նախորդ ռեկորդը, երբ մրցավարը 36 կարմիր քարտ էր ցույց տվել։
Հիմա եթերում
