Մոսկվան հույս ունի, որ իր ազդանշանները կլսեն և կընդունվեն Հայաստանում. Զախարովա

Ռուսաստանի և Հայաստանի միջև շփումները շարունակվում են տարբեր մակարդակներով, Մոսկվան հուսով է, որ իր ազդանշանները կլսեն, ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Շփումները շարունակվում են տարբեր մակարդակներում։ Մենք ակնկալում ենք, որ մեր ազդանշանները կլսեն և պատշաճ կերպով կընդունվեն»,- ճեպազրույցի ժամանակ ասել է Զախարովան։

Նա հավելել է, որ Ռուսաստանը միշտ «զգույշ է եղել Հայաստանի հետ դաշնակցային հարաբերությունների նկատմամբ, երբեք չի եղել դրանց սրման նախաձեռնողը և արել է հնարավորը Հայաստանի ժողովրդին ամենադժվար իրավիճակներում աջակցելու համար»։

«Մենք ելնում ենք նրանից, որ երկկողմ համագործակցության զարգացման վերաբերյալ բոլոր պայմանավորվածությունները կշարունակեն իրականացվել՝ ելնելով երկու երկրների ժողովուրդների շահերից»,- նշել է դիվանագետը։