Հայ ժողովուրդը մեռնող ժողովուրդ չէ․ Բրազիլիայի Հայոց թեմի առաջնորդ
02 Հունվարի 2024, 20:56
Բրազիլիայի Հայոց թեմի առաջնորդ Գերշ. Նարեկ Եպիսկոպոս Բերբերյանը Ամանորյա ուղերձ է հղել:
«Սիրելի՛ հայ ժողովուրդ, տարեմուտի եւ յատկապէս օրեր յետոյ Փրկչի աշխարհ գալու ուրախալի առիթով հեռաւոր Պրազիլէն իմ օրհնութիւնը, սէրն ու բարեմաղթանքները կը բերեմ ամէնքիդ։
Տարին ծանր եւ կորստաբեր եղաւ հայոց աշխարհի համար, մեր երկիրը չափերով նորէն փոքրացաւ, անժամանակ կորսնցուցինք քաջարի հերոսներու նահատակութեամբ օծուած հայենիքի մի մասը՝ մեր հոգիներու եւ սիրտերու մէջ շարունակելով կրել ցաւ եւ դառնութիւն: Արդարև, Հայաստանի մէջ տիրող այսօրուայ բարդ իրավիճակը զրկած է մեզ առօրեայ, ինչպէս և ամանորեայ բնական ուրախութիւնէն: Բայց օրեր յետոյ մանուկ Յիսուսի սուրբ ծննդեան լուսաբեր տօնի խորհուրդով լիայոյս ենք, որ հայոց երկնակամարի մէջ կը փայլատակի «Արդարութեան Արեգակը»:
Դարերու խորքէն բազում տանջանքներու բովով անցած հայ ժողովուրդը աշխարհին ապացուցած է, որ մենք մեռնող ժողովուրդ չենք, մենք՝ ունենալով հազարաւոր «անլուծելի» հարցեր շարունակելու ենք երթալ ընդառաջ դէպի՝ Բարձրյալն Աստուած եւ դէպի ազգային մեր սուրբ գաղափարները:
Թող նոր 2024 թուականում իրականան մեր բոլոր ձգտումները թէ՛ անձնական, ընտանեկան, ազգային եւ թէ հայրենական կեանքին մէջ։ Տիրոջ անմնացորդ սէրը, ողորմութիւնն ու պահպանութիւնը միշտ ըլլան ամենքիդ հետ. Ամէն:
Ձեզ համար միշտ աղօթող՝ Գրշ. Տ. Նարեկ եպս. Բերբերյան:
Հիմա եթերում
