Միխայիլ Գասպարով․ Գրքի հանճարը

Alpha News-ը շարունակում է ներկայացնել «Ալֆա պերսոնա» շարքը:

Միխայիլ Գասպարովը ռուս գրականագետ, բանասեր, անտիկ գրականության և ռուսական պոեզիայի պատմաբան, թարգմանիչ (հին և նոր լեզուներից), էսսեիստ, ՌԴ գիտությունների ակադեմիայի ակադեմիկոս է։

Ծնվել է Մոսկվայում, սովորել է Մոսկվայի պետական համալսարանի բանասիրական ֆակուլտետում։

Գասպարովը նախապես ցանկանում էր զբաղվել հնության ուսումնասիրությամբ։ Ընդունվել է Մաքսիմ Գորկու անվան Համաշխարհային գրականության ինստիտուտի անտիկ հատված։ Միխայիլ Լեոնովիչն այնտեղ աշխատել է 33 տարի, իսկ 10 տարի ղեկավարել է այդ բաժինը։

1963 թվականին Գասպարովը ստացել է բանասիրական գիտությունների թեկնածուի, 1979 թվականին՝ բանասիրական գիտությունների դոկտորի աստիճան։

1990 թվականի դեկտեմբերին դարձել է ԽՍՀՄ ԳԱ թղթակից անդամ, իսկ 2 տարի անց՝ ՌԳԱ ակադեմիկոս։

10 տարի շարունակ գրականագետը մասնակցել է Մոսկվա-Տարտուս սեմիոտիկ դպրոցի, ինչպես նաև ակադեմիկոս Կոլմոգորովի մաթեմատիկական և բանասիրական շրջանի աշխատանքներին։

Միխայիլ Գասպարովը երկար տարիներ եղել է Ռուսաստանի գիտությունների ակադեմիայի գրականության ինստիտուտի ոճաբանության և լեզվի ոլորտի գլխավոր գիտաշխատող։
Նա հրատարակել է մեծ թվով ուսումնասիրություններ և թարգմանություններ հին, միջնադարյան և «նոր» գրականության վերաբերյալ։ Գասպարովը նաև շատ բան է գրել ռուսական պոեզիայի մասին։

Գիտնականն արժանացել է բազմաթիվ հեղինակավոր մրցանակների, այդ թվում՝ Ռուսաստանի պետական մրցանակի, «Բուքեր»-ի մրցանակի, Անդրեյ Բելովի անվան․ Պուշկինի անվան մրցանակների։

Ռուսաստանի պետական հումանիտար համալսարանի բարձրագույն հումանիտար հետազոտությունների ինստիտուտն ամեն տարի անցկացնում է Գասպարովյան ընթերցումներ ։

Միխայիլ Լեոնովիչը մահացել է 2005 թվականի նոյեմբերի 7-ին։