Կուբանի հայ երիտասարդության միության ակտիվիստներն այցելել են Հայրենական Մեծ պատերազմի վետերան Ֆլորա Բարսեյանին

Կուբանի հայ երիտասարդության միության ակտիվիստները, ինչպես նաև Հովհաննես Թումանյանի անվան կրթամշակութային կենտրոնի սաները այցելել են Կրոպոտկինի բնակիչ, Հայրենական Մեծ պատերազմի վետերան Ֆլորա Իվանի Բարսեյանին:

98-ամյա Ֆլորա Իվանովնան պատմել է պատերազմական ծանր տարիների, պատերազմի ժամանակ իր կյանքի մասին, ինչպես նաև հպարտությամբ խոսել է իր մեծ ու համերաշխ ընտանիքի՝ երեխաների, թոռների ու ծոռների մասին:

Հանդիպման ավարտին Ֆլորա Բարսեյանը շնորհակալություն է հայտնել ինքնավարությանը և հասարակական կազմակերպություններին՝ մեծերի նկատմամբ հարգանքի և ուշադրության համար: