Լևոն Օրբելի․ Մեծ մարդ, ով իր կյանքը նվիրել է բժշկական գիտություններին

Alpha News-ը շարունակում է ներկայացնել «Ալֆա պերսոնա» շարքը:

Լևոն Օրբելին ծնվել է 1882 թվականին Ծաղկաձորում։ Ավարտել է Թիֆլիսի 3-րդ արական դասական գիմնազիան, որից հետո ընդունվել է Սանկտ Պետերբուրգի ռազմաբժշկական ակադեմիա։

Մեծ ֆիզիոլոգ Օրբելու անվան հետ են կապված ուղեղի գործունեության նոր օրինաչափությունների և նրա կարգավորիչ ազդեցությունների հայտնագործությունները, վեգետատիվ նյարդային համակարգի ֆիզիոլոգիայի բնագավառում հիմնարար հայտնագործությունները։ Լևոն Աբգարովիչը էվոլյուցիոն ֆիզիոլոգիայի նոր ուղղություն է ստեղծել։ Օրբելու գիտական ստեղծագործությունն աչքի է ընկնում բացառիկ բազմակողմանիությամբ, մասշտաբներով և դրան զուգահեռ բացառիկ նպատակասլացությամբ:

Նրա ուսումնասիրություններում հաստատված օրինաչափությունները մտել են համաշխարհային կենսաբանական գիտության ոսկե ֆոնդ: Հարկ է նշել, որ հայը կարևոր դեր է խաղացել Հայաստանում ֆիզիոլոգիական գիտության զարգացման գործում: Գիտնականի ղեկավարությամբ հիմնադրվել է հանրապետության ԳԱ Ֆիզիոլոգիայի ինստիտուտը, որտեղ որոշվել են ներկայումս Օրբելու գիտական հետազոտությունները հաջողությամբ զարգացնող ինստիտուտի գիտահետազոտական գործունեության հիմնական ուղղությունները:

ԽՍՀՄ Գիտությունների ակադեմիան Լևոն Օրբելու անվան ֆիզիոլոգիայի վերաբերյալ աշխատությունների համար սահմանել է մրցանակ, որը շնորհվում է ամեն տարի:

Լևոն Օրբելին կյանքից հեռացել է 1958 թվականի դեկտեմբերի 9-ին: