Յուրա Մովսիսյան. Հայաստանի ազգային հավաքականի լեգենդար հարձակվողը

Alpha News-ը շարունակում է ներկայացնել «Ալֆա պերսոնա» շարքը:

Օգոստոսի 2-ին հայտնի ֆուտբոլիստ Յուրա Մովսիսյանի ծննդյան օրն է:

Նա խաղացել է Հայաստանի հավաքականի կազմում և «Սպարտակ» ֆուտբոլային ակումբում։ Մովսիսյանը ճանաչվել է Հայաստանի ամենաուժեղ հարձակվողներից մեկը։ Նա նաև ռուսական ֆուտբոլի ամենապահանջված ֆուտբոլիստների քսանյակում է։

Դեռահաս տարիքում Յուրա Մովսիսյանը ընտանիքի հետ տեղափոխվել է Միացյալ Նահանգներ, որտեղ սկսել է խաղալ քոլեջի թիմում: Առաջին պրոֆեսիոնալ պայմանագիրը կնքել է 2006 թվականին Կանզաս Սիթի ակումբի հետ, որի կազմում անցկացրել է 28 խաղ և խփել 5 գնդակ։

Յուրան այժմ համարվում է ամենահայտնի հարձակվողը, որ հանդես է եկել «Կրասնոդար» և Մոսկվայի «Սպարտակ» ֆուտբոլային ակումբներում։ Նույնիսկ այսօր Մովսիսյանը համարվում է Ֆուտբոլի բարձրագույն լիգայի (MLS) այն խաղացողներից, որոնք չեն մասնակցել Division I ծրագրին և չեն եղել Միացյալ Նահանգների երիտասարդական հավաքականի անդամ։ Ավելին, Մովսիսյանը Ռուսաստանի առաջնությունների պատմության մեջ առաջին «հայկական» հեթ-տրիկի հեղինակն է։

Մովսիսյանն առաջին անգամ Հայաստանի հավաքականում հանդես է եկել 2010 թվականին։ 2010 թ-ի սեպտեմբերի 3-ին Յուրա Մովսիսյանն իր առաջին գնդակն է խփում Հայաստանի հավաքականի կազմում՝ բացելով հաշիվը Մակեդոնիայի հետ արտագնա խաղում, որն ավարտվեց ոչ-ոքի՝ 2-2։

Ֆուտբոլիստն այսօր ընտանիքի հետ ապրում է ԱՄՆ-ում և չի կորցնում կապը պատմական հայրենիքի հետ։ Նշենք նաև, որ Յուրա Մովսիսյանը Հայաստանի ֆուտբոլի ֆեդերացիայի պաշտոնական ներկայացուցիչն է Հյուսիսային Ամերիկայում։