Հայ Առաքելական եկեղեցու Թեհրանի թեմը համերաշխություն է հայտնել Իրանի ժողովրդին

Հայ Առաքելական եկեղեցու Թեհրանի թեմի առաջնորդ Սեպուհ արքեպիսկոպոս Սարգսյանը հանդես է եկել հայտարարությամբ՝ զորակցություն հայտնելով իրանցի ժողովրդին ստեղծված իրավիճակում:

Նա հույս է հայտնել, որ ճգնաժամը հնարավորինս արագ կհաղթահարվի՝ ընդգծելով մարտահրավերների առջև միասնականության և տոկունության կարևորությունը: Իր ուղերձում արքեպիսկոպոսը նաև խստորեն դատապարտել է հարձակումները՝ դրանք համարելով անընդունելի գործողություններ, որոնք խաթարում են խաղաղությունն ու կայունությունը: