Հովհաննես Գրիգորյան. Հումորային ժանրի աստղը

Alpha News-ը շարունակում է ներկայացնել «Ալֆա պերսոնա» շարքը:

Փետրվարի 25-ին դերասան-հումորիստ և պրոֆեսիոնալ հաղորդավար Հովհաննես Գրիգորյանի ծննդյան օրն է:

Հովհաննեսին շատ ընկերներ և գործընկերներ անվանում են նաև «Օհան» կամ «Խոխոլ»:

Հովհաննեսը ծնվել է Ուֆա քաղաքում։ 14 տարեկանում Հովհաննեսն ընտանիքի հետ տեղափոխվել է Սոչի։ Հենց այդ արևոտ քաղաքում է նա ավարտել դպրոցը և ընդունվել համալսարան: Արդեն ուսման ընթացքում սկսել է ակտիվորեն խաղալ KVN-ում:

Գրիգորյանը միանգամից հասկացել է, որ իր իսկական կոչումը հումորային ժանրի արտիստ լինելն է։

Հովհաննեսը Սոչիի «Դուետ 20:14» կատակերգական խմբի երկու մասնակիցներից մեկն է։ 2012 թվականին Հովհաննես Գրիգորյանը դուետի կազմում ընդգրկվել է ռուսական Comedy Club նախագծի ռեզիդենտների կազմում։

Իսկ 2009թ. Գրիգորյանը ստացել է Ռուսաստանի հարավի լավագույն MC կոչումը: Նա նաև «Ոսկե գրամոֆոն» մրցանակի դափնեկիր է և երկու անգամ դարձել է «Քոմեդի բաթլ» շոու-մրցույթի հաղթող։

Իր հին ընկեր Ռոման Պոպովի հետ Հովհաննեսը որոշել է համատեղ ստեղծագործական նախագիծ կազմակերպել։ Երբ երիտասարդները վերջապես համարձակվել են ստեղծել «Դուետ 20: 14»-ը, պարզվել է, որ նրանք ամենևին էլ չեն սխալվել և ընտրել են ճիշտ ուղին:

Հովհաննես Գրիգորյանը և Ռոման Պոպովը դարձել են Comedy Club-ի անդամներ և երկար տարիներ սիրվել հանդիսատեսի կողմից խելքի և բարձր տրամադրության համար: