Ով չի գնում ընտրության, ուրիշներին է վստահում իր ճակատագրի որոշումը․ Բագրատ Սրբազան

Տնային կալանքի տակ գտնվող արքեպիսկոպոս Բագրատ Գալստանյանը Հայաստանի քաղաքացիներին կոչ է արել անպայման մասնակցել խորհրդարանական ընտրություններին և կատարել իրենց քաղաքացիական պարտքը։

«Ով չի մասնակցում ընտրություններին, նա որևէ բանի մասին խոսելու իրավունք չունի, որովհետև ուրիշներին է թույլ տալիս որոշել, թե ինչպես պետք է ապրի։ Այսօր մենք կանգնած ենք ընտրության առաջ։ Կոչ եմ անում բոլորին մասնակցել քվեարկությանը և ստանձնել իրենց պատասխանատվությունը», — ասել է նա։