Փասադենայում կայացել է հայկական համայնքի ամենամյա մշակութային փառատոնը

Միացյալ Նահանգների Կալիֆոռնիա նահանգի Փասադենա քաղաքի Victory Park-ում կայացել է հայկական համայնքային մշակութային ամենամյա փառատոնը:

Միջոցառմանը մասնակցել է ավելի քան 25 դպրոցի, ոչ առևտրային կազմակերպությունների և եկեղեցիների ներկայացուցիչներ: Մասնակիցների թիվը գերազանցել է 5000-ը:

Փառատոնի անցկացումն ունի կարևոր նշանակություն՝ պահպանել և տարածել հայկական մշակույթը, ամրապնդել միասնությունն ու հանրահռչակել հայկական ավանդույթները։

Միջոցառումից ստացված ամբողջ հասույթը հավասարապես բաշխվելու է Փասադենայի 3 մասնավոր հայկական դպրոցների միջև: