Ռոբերտ Քոչարյանին առաջադրված մեղադրանքում նկարագրվածը հանցագործություն չէ․ Արամ Օրբելյան

ՀՀ երկրորդ նախագահ Ռոբերտ Քոչարյանին առաջադրված մեղադրանքում նկարագրվածը հանցագործություն չէ։ Հակակոռուպցիոն կոմիտեի դիմաց լրագրողների հետ զրույցում այս մասին ասել է փաստաբան Արամ Օրբելյանը։

«Այն, ինչ մեղադրանքում նկարագրված է, հանցագործություն չէ, և պարոն Քոչարյանի հետ որևէ առնչություն նկարագրված չէ։ Մենք սա գնահատում ենք քաղաքական գործընթացների համատեքստում»,– նշել է Օրբելյանը։

Փաստաբանի խոսքով՝ այս պահին իրենք ծանոթացել են առաջադրված մեղադրանքին և դրա բովանդակության հետ կապված բազմաթիվ խնդիրներ են տեսնում։