Ռոստովի մարզում Ozon-ի լոգիստիկ օբյեկտը ենթարկվել է ԱԹՍ-ների հարձակման

Ռոստովի մարզում Ozon-ի լոգիստիկ օբյեկտը ենթարկվել է անօդաչու թռչող սարքերի (ԱԹՍ) հարձակման։ Այս մասին հայտնել են ընկերությունից։

«Այսօր գիշերը Ռոստովի մարզում ԱԹՍ-ների հարձակման է ենթարկվել մեր լոգիստիկ օբյեկտներից մեկը։ Բռնկվել է փոքր հրդեհ, սակայն այն անմիջապես մարվել է», — ասվում է ընկերության հաղորդագրության մեջ։

Ավելի վաղ Ռոստովի մարզի նահանգապետ Յուրի Սլյուսարը հայտնել էր, որ Ռոստով քաղաքի երկու բազմաբնակարան շենքեր վնասվել են ԱԹՍ-ի բեկորների ընկնելու հետևանքով։ Բացի այդ, ԱԹՍ-ի բեկորներ են հայտնաբերվել պահեստային տարածքի հարակից հատվածում։