Բերտա Մարտիրոսյանի աշխատանքները կներկայացվեն ՄԱԿ-ի կենսաբազմազանության մասին կոնվենցիայի էջում

United Nations Biodiversity Convention-ի պաշտոնական էջը կներկայացնի հայ լուսանկարիչ Բերտա Մարտիրոսյանի լուսանկարները, որոնք արտացոլում են Հայաստանի բնության հարստությունը: Աշխատանքները ցույց են տալիս Հայաստանի բուսական և կենդանական աշխարհի բազմազանությունը՝ ընդգծելով տարածաշրջանի էկոհամակարգի յուրահատկությունը:

Բերտան մոտ 13 տարի է՝ զբաղվում է լուսանկարչությամբ և ավելի քան չորս տարի, ինչ վայրի բնության մեջ կենդանիներ է նկարում։ Այս ընթացքում նրան հաջողվել է ֆիքսել թռչունների ավելի քան 250 տեսակ, արջի կյանքի տեսարաններ ձագերի, լեռնային այծերի և Հայաստանի կենդանական աշխարհի այլ ներկայացուցիչների հետ: