Երբ մարդը վախեցած է, առաջինը մտածում է իր կաշվի մասին․ Սայիդա Պետրոսյանը՝ Արցախի թեմի առաջնորդի մասին

Մի խումբ մարդիկ այսօր հավաքվել էին Երևանի Արցախի թեմի առաջնորդարանի մոտ. նրանք հանդիպում էին ցանկանում Արցախի թեմի առաջնորդ Վրթանես եպիսկոպոս Աբրահամյանի հետ։ Հավաքվածները սրբազանից ցանկանում էին պարզաբանում ստանալ, թե ինչու է նա օրեր առաջ հանդիպել վարչապետ Նիկոլ Փաշինյանի հետ։

Սայիդա Պետրոսյանի խոսքով՝ Արցախի թեմի առաջնորդը պարտավոր է իր հոտի առջև պատասխանատվություն կրել։

«Կարծում եմ՝ երբ մարդը վախեցած է լինում, միշտ առաջինը մտածում է իր կաշվի մասին, այս պարագայում նույնն է տեղի ունեցել։ Եթե նա մերժեր ապա, կարծում եմ, կարժանանար նույն ճակատագրին, ինչ Միքայել սրբազանը և Բագրատ սրբազանը, այդ պատճառով ընտրել է դավաճանի ձեռքը սեղմելը»,- ընդգծել է Պետրոսյանը։