Սամբիստ Արման Ավանեսյանը IWGA-ի 2025 թ-ի լավագույն մարզիկների ցանկում 6-րդն է
03 Փետրվարի 2026, 16:15
Միջազգային համաշխարհային խաղերի ասոցիացիան (IWGA) հրապարակել է 2025 թվականի համաշխարհային խաղերի լավագույն մարզիկների պաշտոնական արդյունքները: Սամբիստ Արման Ավանեսյանը (Հայաստան) զբաղեցրել է վեցերորդ տեղը՝ հավաքելով 15,439 ձայն։
Մրցույթի մեդալակիրներն են՝
1. Ոսկի — Վիկտորիա Չավես (Մեքսիկա), Դրոշակային ֆուտբոլ
2. Արծաթ — Մարիուս Անդրեյ Բալան և Քրիստինա Մոշենսկա (Գերմանիա), Պարային սպորտ
3. Բրոնզ — Լաուրա Բուրգոս (Մեքսիկա), Մուայթայ
«Սամբոյի միջազգային ֆեդերացիան և Հայաստանի սամբոյի ֆեդերացիան իր խորին շնորհակալությունն է հայտնում Սամբոյի մեծ ընտանիքի բոլոր անդամներին, ովքեր աջակցել են մեր մարզիկին և քվեարկել նրա օգտին ամբողջ մրցույթի ընթացքում: Ձեր նվիրվածությունն ու աջակցությունը ցույց են տվել համաշխարհային Սամբոյի համայնքի ուժն ու միասնությունը միջազգային ասպարեզում»,- նշված է Հայաստանի սամբոյի ֆեդերացիայի ֆեյսբուքյան էջում։
Հիմա եթերում
