«Թրամփի երթուղի»-ն թույլ կտա ԱՄՆ զորքեր տեղակայել Հայաստանում․ ՌԴ Անվտանգության խորհուրդ

Հայաստանի տարածքով «Թրամփի երթուղու» իրականացումը հնարավորություն կտա ԱՄՆ զորքերը տեղակայել անմիջապես Իրանի սահմանին։ Այս մասին հայտարարել է ՌԴ Անվտանգության խորհրդի քարտուղարի տեղակալ Ալեքսեյ Շևցովն՝ Արևելյան տնտեսական համաժողովի շրջանակում։

«Այսպես կոչված «Թրամփի երթուղի»-ն Հայաստանի տարածքով Արևմուտքին, ամերիկացիներին հնարավորություն է տալիս իրենց զորքերը կամ մասնավոր ռազմական ընկերությունների ստորաբաժանումներ, ինչպես նաև հետախուզական ենթակառուցվածք տեղակայել անմիջապես Հայաստանի տարածքում՝ Իրանի սահմանին մոտ»,- նշել է Շևցովը։