Էլինա Ավանեսյանը հաղթանակով է մեկնարկել Սան Պաուլոյի WTA 250 մրցաշարը

Հայ թենիսիստուհի Էլինա Ավանեսյանը հաջողությամբ է մեկնարկել Սան Պաուլոյում անցկացվող WTA 250 կարգի մրցաշարը, որն անցկացվում է կոշտ ծածկույթով կորտերում։

1/16 եզրափակչում WTA վարկանիշային աղյուսակի 155-րդ հորիզոնականը զբաղեցնող Ավանեսյանը հանդիպել է աշխարհի 144-րդ ռակետ, արգենտինուհի Յուլիա Ռիերայի հետ։

Հայ թենիսիստուհին հաղթանակ է տարել երկու սեթում՝ 6։2, 6։4 հաշվով, և դուրս եկել մրցաշարի 1/8 եզրափակիչ։

Սան Պաուլոյում հաջորդ փուլում հնարավոր է հայկական դիմակայություն։ Ավանեսյանի հավանական մրցակիցը կարող է լինել Հայաստանի մեկ այլ ներկայացուցիչ՝ Ալիս Չարաևան, որը WTA վարկանիշում զբաղեցնում է 133-րդ հորիզոնականը։