Ամերիկյան կարգը տարածաշրջանում փլուզվել է․ ազատ նավարկությունը՝ միայն պատժամիջոցների վերացումից հետո
20 Սեպտեմբերի 2026, 14:20
Սեպտեմբերի 20-ին Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ Հորմուզի նեղուցը փակ կմնա այնքան ժամանակ, քանի դեռ չեն կատարվել Թեհրանի առաջադրած պայմանները և չեն ճանաչվել իրանական ժողովրդի օրինական իրավունքները։ Նրա խոսքով՝ ԱՄՆ-ը պետք է հրաժարվի իր պահանջները միակողմանիորեն պարտադրելու քաղաքականությունից։
Ելույթ ունենալով խորհրդարանի նիստում՝ Ղալիբաֆը ընդգծել է, որ Արևմտյան Ասիայում ամերիկյան հին կարգը փլուզվել է, իսկ նոր կարգը ձևավորվելու է տարածաշրջանի երկրների կողմից՝ ինքնիշխանության և բանականության սկզբունքների հիման վրա։
Իրանի խորհրդարանը միասնական դիրքորոշում է ցուցաբերում երկրի ռազմական ղեկավարության հետ․ նեղուցով ազատ նավարկությունը հնարավոր կլինի միայն պատժամիջոցների և սահմանափակումների ամբողջական վերացումից հետո։
Հորմուզի նեղուցը, որով անցնում է համաշխարհային նավթային մատակարարումների զգալի մասը, շարունակում է մնալ Թեհրանի՝ ԱՄՆ-ի և նրա դաշնակիցների վրա ճնշում գործադրելու գլխավոր լծակներից մեկը։
Հիմա եթերում
