Համահայկական վերնախորհուրդը միանում է Բագրատ Սրբազանի հայրենատիրական պահանջին
08 Մայիսի 2024, 10:41
Համահայկական վերնախորհուրդը միանում է Բագրատ Սրբազանի հայրենատիրական պահանջին, կիսում է անհանգստությունները, միևնույն ժամանակ իր ընտրողների անունից խորին մտահոգություն ու անհամաձայնություն է հայտնում Տավուշում տեղի ունեցող սահմանազատման գործընթացների վերաբերյալ և մերժում է գործող իշխանությունների հանձնվողական քաղաքականությունը: Այս մասին գրում է Orer.eu-ն
«Հայաստանի Հանրապետության Սահմանազատումը առանց Լեռնային Ղարաբաղի Հանրապետության քաղաքացիների իրավունքների վերաճանաչման՝ մերժում է մարդու համընդհանուր հռչակագրի դրույթները, Ցեղասպանության հանցագործությունը կանխելու և դրա համար պատժի մասին կոնվենցիան։
Հայաստանի Հանրապետության ինքնիշխան տարածքները չի կարելի հանձնել թշնամուն։ Աշխարհասփյուռ հայությունը հարյուր տարի շարունակ ստանձնել է Հայաստանի քաղաքական իշխանությունը, միշտ պաշտպանել է Հայաստանի, Խորհրդային Հայաստանի, Հայաստանի Հանրապետության իրավունքները և շահերը միջազգային հարթակներում։
Մենք պաշտպանում ենք մեր պետական իրավունքը և մասն ենք Հայաստանի Հանրապետության մեջ ապրող մեր քույրերի և եղբայրների, մենք մեկ մարմին ենք և մերժում ենք պետության մասնատման ու քայքայման յուրաքանչյուր քայլ:
Համահայկական վերնախորհուրդի սենատորները սատարում են «Տավուշը հանուն հայրենիքի» համաժողովրդական շարժմանը և հույս ենք հայտնում, որ Բագրատ Սրբազանը կանի իրենից կախված բոլոր քայլերը, որպեսզի Եվլախի օրակարգը չկրկնվի Տավուշում կամ Հայաստանի Հանրապետության որևէ այլ սահմանային հատվածում»,- ասվում է հայտարարարության մեջ:
Հիմա եթերում
