Արսեն Ջուլֆալակյան. Սպորտում հաղթանակ կերտողը

Alpha News-ը շարունակում է ներկայացնել «Ալֆա պերսոնա» շարքը:

Մայիսի 8-ին լրանում է հունահռոմեական ոճի հայ անվանի ըմբիշ, աշխարհի չեմպիոն, Եվրոպայի չեմպիոն Արսեն Ջուլֆալակյանի ծննդյան 37-ամյակը:

Ջուլֆալակյանը ծնվել է Գյումրիում, խորհրդային նշանավոր ըմբիշ, աշխարհի ու օլիմպիական խաղերի չեմպիոն Լևոն Ջուլֆալակյանի ընտանիքում։

2010 թվականին ավարտել է Երևանի պետական համալսարանի Միջազգային հարաբերությունների ֆակուլտետի մագիստրատուրան։ Հետագայում ընդունվել է ասպիրանտուրա և պաշտպանել թեկնածուական ատենախոսություն՝ ստանալով պատմական գիտությունների թեկնածուի գիտական աստիճան։

Արսենը հունահռոմեական ոճի ըմբշամարտով սկսել է զբաղվել դեռ 11 տարեկանից։ 2002 թվականին մասնակցել է Հայաստանի պատանեկան առաջնությանը, որտեղ հաղթող է դարձել իր քաշային կարգում: 2003 և 2004 թվականներին հաղթել է Եվրոպայի պատանեկան առաջնություններում:

2004 թվականին ճանաչվել է Եվրոպայի լավագույն պատանի մարզիկ, 2007 թ-ին՝ աշխարհի երիտասարդական առաջնության հաղթող։

Ջուլֆալակյանը զգալի հաջողությունների է հասել 2008 թվականին մեծահասակների միջազգային մակարդակում՝ դառնալով Վիլնյուսում կայացած Եվրոպայի առաջնության հաղթող։

2021 թվականին Արսեն Ջուլֆալակյանը հայտարարել է մարզական կարիերան ավարտելու մասին։