Դոնալդ Թրամփի՝ Իրանին հարվածելու որոշումը կարող է խնդիրներ առաջացնել ամբողջ աշխարհի համար. Օլեգ Բլոխին

ԱՄՆ նախագահ Դոնալդ Թրամփի՝ Հորմուզի նեղուցով նավարկությունը արգելափակելու որոշումը կարող է լուրջ խնդիրներ առաջացնել ամբողջ աշխարհի համար: Այս մասին ասել է ռազմական փորձագետ Օլեգ Բլոխինը։

«Սկզբնական միտքն ու որոշումը Դոնալդ Թրամփի և նրանց, ովքեր նրան խորհուրդ են տվել նման քայլ անել, հասկանալի են․ դա տնտեսական հարված է Իրանին։ Եթե Թեհրանը չկարողանա վաճառել իր ածխաջրածինները, եկամուտները կնվազեն, և վաղ թե ուշ նա կբախվի խնդիրների։ Բայց հարցն այն է, որ խնդիրները կդիպչեն ոչ միայն Իրանին․ նա կարող է կրկին ամբողջությամբ փակել նեղուցը, և այդ դեպքում ընդհանրապես ոչ մի նավ չի կարողանա անցնել», — նշել է փորձագետը։

Բլոխինի խոսքով՝ Հորմուզի նեղուցի արգելափակումը կհանգեցնի լուրջ տնտեսական և հումանիտար հետևանքների թե՛ Եվրոպայում, թե՛ Հարավարևելյան Ասիայի և Աֆրիկայի երկրներում։

«Եվ այդ դեպքում ի՞նչ պիտի անեն ամերիկացիները։ Քանի որ խնդիրները կհասնեն ոչ միայն Իրանին, այլ նաև մյուս երկրներին՝ ավելի վատթարացնելով արդեն խոցված իրավիճակը Պարսից ծոցի տարածաշրջանում և այն երկրներում, որոնք այդտեղից էներգակիրներ էին գնում։ Այսինքն, ինչպես անում էր Իրանը՝ նա անցկացնում էր այն նավերը, որոնք վճարում էին։ Եթե ամերիկացիները սկսեն արգելափակել իրանական նավերը, Թեհրանը, համապատասխանաբար, կսկսի արգելափակել մնացած բոլոր նավերը։ Իսկ թե որքանով դրա համար շնորհակալություն կհայտնեն Թրամփին հենց ամերիկացիները, դա կտեսնենք մոտ ժամանակում։ Որովհետև նույն Եվրոպան, ինչպես նաև Հարավարևելյան Ասիայի և Աֆրիկայի երկրները հայտարարել են, որ եթե նման իրավիճակը շարունակվի մի քանի շաբաթ, այդ տարածաշրջաններին սպասվում են բավականին լուրջ տնտեսական և հումանիտար հետևանքներ», — ասել է Բլոխինը։