Երևանում ՌԴ էներգետիկայի նախարարության նամակն ընդունել են ի գիտություն․ Խուդաթյան
30 Մայիսի 2026, 11:14
Երևանում ի գիտություն են ընդունել Ռուսաստանի էներգետիկայի նախարարության նամակը և Մոսկվայի հետ շարունակում են աշխատանքային շփումները։ Այդ մասին News.am-ին հայտնել է ՀՀ տարածքային կառավարման և ենթակառուցվածքների նախարար Դավիթ Խուդաթյանը։
Նրա խոսքով՝ նամակի բովանդակությունն «այնքան էլ սուր չէ», իսկ թեման «ուռճացվում է ընդդիմադիր ուժերի կողմից՝ իրենց նախընտրական քարոզարշավի շրջանակում»։
Անդրադառնալով նախօրեին տեղի ունեցած ֆերմերների բողոքի ակցիային՝ կապված հայկական գյուղատնտեսական արտադրանքի Ռուսաստան արտահանման արգելքի հետ, Խուդաթյանը վստահեցրել է, որ նրանք բողոքում էին միայն Հայաստան ներմուծվող լոլիկի աճող ծավալների և դրա հետևանքով ուժեղացած մրցակցության դեմ։
Նախարարի խոսքով՝ ՌԴ շուկա մատակարարումների հարցը, ինչպես նաև արտահանման շուկաների դիվերսիֆիկացման խնդիրը շարունակում է մնալ օրակարգում։
Հիմա եթերում
