Հայաստանը դառնում է հակառուսական գործընթացի պատանդ. Անդրեյ Կլիմով
10 Հունիսի 2026, 21:30
Ռուսաստանի Դաշնության Ֆեդերացիայի խորհրդի միջազգային գործերի կոմիտեի փոխնախագահ Անդրեյ Կլիմովը մեկնաբանել է Հայաստանում անցկացված խորհրդարանական ընտրությունները՝ Alpha News-ին տված հարցազրույցում։
«Կան մարմիններ, որոնք այժմ պետք է կատարեն որոշակի ձայների հաշվարկ։ Սակայն նույնիսկ մինչև այս ընտրությունները, հետևելով Հայաստանում ընթացող իրադարձություններին և զրուցելով որոշ քաղաքացիների հետ՝ ես այդ հնարավորությունն ունեցա տարբեր հարթակներում՝ վստահ էի, որ գործող իշխանությունը այնտեղ ոչ մի կերպ ժողովրդավարություն ապահովել չի պատրաստվում։ Եվ այն, ինչ ես տեսա հետո, միայն հաստատեց իմ կանխազգացումը։ Այս ընտրությունները կճանաչեն միայն նրանք, ովքեր փորձում են հայկական պետությունը օգտագործել Ռուսաստանի դեմ տարբեր թակարդների համար։ Չգիտեմ՝ արդյոք նրանք գիտակցաբար կատարում են Արևմուտքի հավաքական առաջադրանքները, թե անգիտակցաբար են վարվում՝ չհասկացնելով, թե ինչի մեջ են ներքաշվում, բայց այն զգացողությունը, որ Հայաստանը դառնում է այդպիսի հակառուսական գործընթացի պատանդ, իմ կարծիքով, ամբողջովին ակնհայտ է, անկախ նրանից, ով ինչ է պատմում», -ասել է Կլիմովը։
Սենատորի խոսքով՝ Ռուսաստանի դիրքորոշումը Հայաստանի ընտրությունների վերաբերյալ ձևակերպված է առավել պարզ և հստակ։
«Ռուսաստանի դիրքորոշումը շատ հստակ է ձևակերպված, այստեղ որեւէ կասկած տեղ չունի։ Քանի որ երեք քաղաքական կուսակցություններ պահանջում են ձայների վերաբաշխում, կոնսենսուս չկա, և առաջանում են բազմաթիվ հարցեր՝ ով ինչ հաղթեց։ Ուստի շնորհավորանքի հարցը դեռ վաղաժամ է», -ընդգծել է Կլիմովը։
Սենատորը նշել է, որ հաղթանակի առիթով շնորհավորել կարելի է միայն այն ժամանակ, երբ առկա է հստակ և անհերքելի արդյունք։
«Մոտավորապես ձայների հաշվարկի ավարտից անմիջապես հետո պարոն Փաշինյանը՝ մի տեսակ, ահռելի անհրաժեշտությամբ զանգահարում է Փարիզ՝ թե հաշվետվություն տալու, թե ինչ-որ լրացուցիչ լեգիտիմության նշաններ ստանալու հույսով, չեմ գիտի։ Տեսնում ենք՝ նա մասնակցել է ընտրություններին, դեռ խորհրդարանը կազմավորված չէ, և ինքն էլ դեռ պաշտոնապես նշանակված չէ, սակայն արդեն զանգահարում է Փարիզ և ինչ-որ բան քննարկում է, ինչպես ես հասկանում եմ՝ Մակրոնի հետ։ Սա շատ բան է ասում։ Ուստի շնորհավորել կարելի է միայն այն ժամանակ, երբ կա հստակ արդյունք։ Իսկ հիմա հստակ արդյունք չկա», -եզրափակել է Կլիմովը։
Հիմա եթերում
