Նպատակաուղղված շրջադարձ․ Հայաստանի ապագան ՀԱՊԿ-ում և նոյեմբերի 9-ի համաձայնագրի ճակատագիրը. Պանելային քննարկում

Նոյեմբերի 9-ին, ժամը 11:30-ին Alpha News-ի մեդիակենտրոնում տեղի կունենա փորձագիտական պանելային քննարկում՝ նվիրված Լեռնային Ղարաբաղի Հանրապետությունում հրադադարի մասին եռակողմ հայտարարության ստորագրման հերթական տարելիցին։ Քննարկմանը կմասնակցեն Հայաստանի, Ռուսաստանի և ԱՄՆ-ի առաջատար քաղաքագետներ։

Միջոցառումը հարթակ կհանդիսանա տարածաշրջանային անվտանգության դինամիկայի և Հարավային Կովկասում արտաքին դերակատարների փոխակերպվող դերի համապարփակ վերլուծության համար։

Քննարկման կենտրոնական թեմաներից մեկը կդառնա նոյեմբերի 11-ին կայանալիք ՀԱՊԿ Հավաքական անվտանգության խորհրդի նիստը, որտեղ կարող է քննարկվել կազմակերպությանը Հայաստանի հետագա անդամակցության ֆորմատի հարցը։ 

Փորձագետները կգնահատեն ինստիտուցիոնալ պառակտման հետևանքները պաշտոնական Երևանի և ՀԱՊԿ-ի փոխգործակցության մեջ, ինչպես նաև Հարավային Կովկասի տարածաշրջանում անվտանգության նոր ճարտարապետության ձևավորման սցենարները։

Մասնակիցներ

🇦🇲 Հայաստան

Գրիգոր Բալասանյան — միջազգայնագետ, պատմական գիտությունների թեկնածու, ԵՊՀ դոցենտ,

Ալեն Ղևոնդյան — քաղաքագետ,

Տիգրան Քոչարյան —  Alpha News-ի գլխավոր խմբագիր, մեդիափորձագետ,

Բենիամին Մաթևոսյան — Alpha News-ի քաղաքական վերլուծաբան (մոդերատոր):

🇷🇺 Ռուսաստան

Անդրեյ Արեշև — քաղաքագետ, «Ռազմավարական մշակույթի հիմնադրամի» փորձագետ:

🇺🇸 ԱՄՆ

Արման Գրիգորյան — ԱՄՆ Լիհայի համալսարանի դոկտոր պրոֆեսոր,

Սքոթ Ռիտեր —  ամերիկացի ռազմական գործիչ, ծովային հետևակի նախկին հետախույզ, Իրաքում ՄԱԿ-ի զինաթափման հարցերով նախկին տեսուչ։

Միջոցառման կանոնակարգը․նոյեմբերի 9, 11:30 – 13:30 (առավելագույնը 120 րոպե)

Վայրը․Alpha News-ի մեդիակենտրոն, Վ․ Սարգսյան փող․ 26/1, 9-րդ հարկ