«Հատուկ են կազմակերպել, որ Սամվել Կարապետյանը փակի տակ մնա մինչև ընտրությունները»․ «Ժողովուրդն է խոսում»
16 Օգոստոսի 2025, 11:10
«Ժողովուրդն է խոսում»․ Alpha News-ի այս նախագծի շրջանակներում մենք հարցախույզ ենք անցկացրել մայրաքաղաք Երևանում ու ԱՄՆ-ի, Ռուսաստանի հայաշատ համայնքներում՝ պարզելու քաղաքացիների կարծիքը վերջին շրջանի կարևորագույն թեմաների վերաբերյալ։
Խոսելով գործարար, բարերար Սամվել Կարապետյանի կալանքի երկարաձգման մասին՝ հարցախույզի մասնակից քաղաքացիներից մեկը նշել է․ «Հատուկ են կազմակերպել, որ Սամվել Կարապետյանը փակի տակ մնա մինչև ընտրությունները։ Սամվել Կարապետյանն ասել է այն, ինչ մտածում է հայերի մեծամասնությունը»։
Քաղաքացիները հույս են հայտնում, որ արդարությունը կվերականգնվի, և գործարարն ազատ կարձակվի։ «Հուսով եմ՝ Սամվել Կարապետյանն ազատ կարձակվի և, ինչպես ինքն է ասում՝ «իր ձևով» կպայքարի եկեղեցուն ուղղված իշխանությունների հարձակումների դեմ»,- ասել է քաղաքացիներից մեկը։
Մեկ այլ քաղաքացի նշել է, որ այս իշխանությունների օրոք հայ ժողովրդին լավ օրեր չեն սպասվում։
«Հայ Առաքելական եկեղեցու դերն ու նշանակությունն անուրանալի է։ Եկեղեցու դեմ դուրս գալ նշանակում է դուրս գալ հայ ազգի դեմ»,- ասել է հարցախույզի մասնակիցներից մեկը։
Մանրամասները՝ տեսանյութում։
Հիմա եթերում
