Ներկայիս իշխանության հետ որևէ հույս կապելն անհնար է․ հարցում Վայքում

Վայքում անցկացված հարցման ժամանակ բնակիչները խորը հիասթափություն են հայտնել՝ կապված իշխանության վարած քաղաքականության հետ։ Բնակիչները բարձրաձայնում են արտաքին պարտքի աննախադեպ աճի, բանակի կազմալուծման և երկրի անվտանգային համակարգի փլուզման մասին։

Քաղաքացիներն անդրադարձել են նաև արտաքին պարտքին՝ նշելով, որ այս իշխանությունների կառավարման 7 տարիներին երկրի արտաքին պարտքը կրկնապատկվել է։ Հարցվածներից մեկն էլ նշել է, որ երկրում ստեղծված իրավիճակը կարելի է բնութագրել որպես «կանխամտածված քայքայում»։

«Երկրում տոտալ թալան և կոռուպցիա է տիրում։ Մենք այսօր տեսնում ենք նաև եկեղեցու դեմ արշավը։ Իմ կարծիքով՝ սա հայակործան քաղաքականություն է»,- ասել է հարցման մասնակիցներից մեկը։

Բնակիչների կարծիքով՝ «ներկայիս իշխանության հետ որևէ հույս կապելն անհնար է, իսկ Նիկոլ Փաշինյանն էլ կորցրել է ժողովրդի հարգանքը՝ իր իսկ գործողությունների պատճառով»։